رمضـــــان كنـــــز إوعا تضيعو

ومرت سنة بكل لحظاتها ودقايقها وساعاتها
ورجع لنا رمضان من تانى
فاكرة فى رمضان اللى فات كنت ديما أدعى فى صلاتى وأقول :
(اللهم بلغنا رمضان وأعده علينا أعواما عديدة وأزمنة مديدة)
والحمد لله الله استجاب لدعائى
كنت بدعى الدعاء ده ديما لأنى كنت حاسة إنى مقصرة شوية فى حق الله عليا وحق رمضان
مع إن الشهر ده مفروض الواحد يعمل كل اللى يقدر عليه فيه
أنا بعتبرو كنز حسنات بينفتح لنا مرة فى السنة
تخيل قدامك كنز
يا ترى مفروض تعمل ايه؟

مش محتاجة تفكير أكيد
خد منو على قد ما تقدر وأوعا تضيع فرصة واحدة
عايز إيه أكتر من كدة؟

الشياطين مصفدة
والأجر مضاعف

والدعاء مستجاب

إوعا تشغلك المسلسلات
أنا عارفة إن الحكاية صعبة والله
أنا كمان بتوه وبضعف قدام كمية المسلسلات اللى بيقدموها لنا فى رمضان
وكأنهم بيقولولنا_ استغفر الله _ شهررمضان الذى أنزل فيه المسلسلات والفوازير

خد بالك كمان إن الشياطين مسلسلة ومقيدة
يعنى ملكش حجة يا حلو هههههههههههه

ما تقدرش تقول معلش بقى أصل الشيطان شاطر

ربنا يهدينا ويثبتنا جميعا يارب

طولت عليكو أوى

كل سنة وإنتو يارب طيبين وفى أحسن حال وبألف خير وصحة وسعادة ونجاح وكل شئ حلو فى الحياة
حبيت أقللكو رمضان كريم

***************************************************************

آه كنت حنسى
دى مجموعة جميلة جدا من أغانى رمضان اللى بنستنى نسمعها من السنة للسنة
كلها فى ملف واحد

أغانـــى رمضـــان