سلام عليكم
أخباركو ايه يا جماعة
طبعا سمعتو بالكلام اللى داير فى البلد اليومين دول
بيقولوا إن حسنى مبارك بيودع
بس أنا مش مصدقة بصراحة
واول ما سمعت الخبر انصدمت
زى ماتقولوا كدة كنت مستبعدة الفكرة تماما
ومش على بالى انها ممكن تحصل فى يوم من الأيام هههههههههههههههه
فلقيت نفسى بكتب كلمتين زجل كدة على قدى
اسمعو
سمعتو آخر الإشاعات؟؟؟
بيقولوا إن الريس مات
ومكتمين على الخبر
معقول يموت؟
لأ ... مستحيــــــل
إذاى يموت زى البشر؟؟؟؟
إذاى يموت كدة من سكات
من غير لا حس ولا خبر
طيب يا سيدى نفترض إن الكلام اللى انتشر
كلام صحيح
تقدر تقللى حنعمل ايه من غير زعيم؟؟؟؟
يحكمنا مين
يشكمنا مين
ومين يخلى حياتنا طين
مين اللى حيشردنا مين؟
مين اللى حيجوعنا وحينهبنا مين؟
مين اللى حيخلى حياتنا أكتر من جحيم
مين اللى على كلمة الحق يحطنا فى المعتقل؟؟
مين اللى بعده حنعبده
ونمجده
ونقللو ما يهزك الريح يا جبل؟؟؟
مين اللى حبيبع البلد؟؟
مين اللى خلا بلدنا هانت عالولد؟؟
مين اللى من غيره حياتنا تكون ممات؟
يا شيخ حرام ... ما تقولش مات
صدقنى دى كلها إشاعات
وأنا يا بنى راضى ذمتك
ممكن تصدق لو قالولك مرة يوم
إن إلهك..... طب ساكت
إنو مات؟؟؟؟؟؟
.JPG)
6 comments:
ههههههههههههههههه
والله كلماتك قوية جدا
فعلا عيب رئيس جمهورية يموت
اللى بيموتوا الناس العاديين
وعلى رأي عادل أمام:يا مشخلعنا يا مدلعنا قول لعدوك روح اتليس..وهشتكنا وبشتكنا ياريس0
الموت علينا حق
علينا
ها
انتى فهمانى
على قولك يا طير
بقى فى رئيس يموت؟
ده حتى يبقى عيب عليه .
أكتر من كدة هشتكة وبشكتة يا احمد؟
ما اعتقدش خالص ان فيه اكتر هههههههه
على فكرةمبسوطة اوى بزيارتك ليا
واخدة بالى أوى يا كفراوى
ربنا يخليلنا الريس ويخلى صرمتو فوق راسنا كمان
نورتنى وبتمنى تزورنى ديما :)
Post a Comment