يا هذا .. يا من كنت أسميه يوما حبيبي .. يا من لأجله قدمت كل شئ بلا قيود وبلا حدود ..يا من ظننته إنسان لديه قلب وشعور ..ومنحته خلاصة حبى وأشواقى ..وشعرت به من أعماق اعماقى .. يا من استطعت باحتراف أن تحيك شباكك حولى من كل الجهات .. وأنا ببلاهة اقتربت من تلك الشباك بفضول كفضول الأطفال ..وبأقدامى هذه دخلت إلى شباكك المحكمة أيها الصياد الماهر ..وأنا أظنها جنة خضراء كما صورتها لى مرارا .. وإذا بى أجدها كجهنم المحفوفة أسوارها بلأشجار والورود .. و باطنها نيران وجحيم ..وخلف تلك الأسوار الجحيمية العالية .. وجدتك هناك ..تنظر لى نظرة انتصار وكلما استغثت بك ازددت ضراوة ووحشية ..ونسجت حولى المزيد والمزيد من حبائلك المميتة ..
يا هذا .. يا من كنت أسميه يوما حبيبى ..اليوم واليوم فقط .. استفقت من أحلامى الوردية ..اليوم واليوم فقط تحررت من شباكك ومن قيودك الحديدية ..نعم .. لم أخرج منها كما دخلتها .. فهنا على جسدى غائرة طعناتها .. وهنا على روحى محفورة آثار سياطها ..فلقد سفكت دمائى .. ولقد مصصت رحيقى .. تماما كما يفعل العنكبوت بفريسته ..وتركتنى .. بل أنا التى تركتك أيها الأفعوان .. تركتك وأنا أترنح من هول صدمة العمر ..فلا أنت قتلتنى وأرحتنى .. ولا أنت تركتنى أعود من حيث جئت ..
يا هذا .. هل تعلم أننى وقبل تلك اللحظة لم أكن اعرف معنى كلمة (كره)؟ ولم استشعرها مطلقا طوال سنوات عمرى ال 22؟
اليوم أبشرك بأنك أول من صنع هذا السبق فى حياتى .. وكما أحببتك من أعماقى .. كرهتك من أعماق اعماقى وبكل ذرات روحى الذبيحة .. التى نحرتها بخنجر كلماتك السامات .. اليوم استئصلتك من حياتى أيها الورم الخبيث الذى غزا روحى على حين غرة..و قريبا جدا سأتعافى منك ..وسأعود أنا كما كنت.. قبل أن تلدغنى بسمومك أيها العقرب .. يا من هوايتك الأذى .. وذبح الضحايا بدم بارد بلا قلب ولا ضمير .. سأعود
أقوى .. وأفضل .. وأجمل ..
واعلم أن نيرانك برغم قسوتها ثقلتنى وزادتنى قوة وصلابة .. كصلابة الحديد .. والآن لم أعد قابلة للإنحناء أو الإنثناء أمام أى انسان
و سمومك هذه صارت فى دمى ترياقا وأكسبتنى مناعة ضد أى لدغات مقبلة ..
وداعا إلى غير رجعة ..
يا أول من علمنى كيف يكون الندم ।
====================================
بعد الكلام اللى يفتح النفس ده عايزة اقول كل سنة وانتو طيبين
وان شالله تكون سنة سعيدة على الجميع
أنا عارفة انى مقصرة أوى
ده انا حتى مرديتش على بعض الكومينتس فى البوست اللى فات
المهاجر
زيزى
رئيس جمهورية نفسى
سوووو
فرنسا هانم
شهروزة
mermaid
لسه بعقلى
مبسوطة أوى بزيارتكو خاصة اللى أول مرة بيزورونى وبيحطولى كومينت
ادعولى لأنى محتاجة دعائكم أوى
.JPG)
24 comments:
سلام الله عليكي يا غاليه
و كل سنه و انتي طيبه يا قمر
و قريبا جدا سأتعافى منك ..وسأعود أنا .. كما كنت قبل أن تلدغنى بسمومك أيها العقرب
تفتكري بجد انك اتعافيتي او هتتعافي منه ؟؟؟؟؟؟؟؟؟؟؟
و تفتكري لسه ما لدغكيش بسمومه ؟؟؟
غاليه اقفي واقفه جامده مع نفسك بجد
مرحله و هتعدي
و ربنا معاكي
زيزي
لا بجد كلمات مبهجه لبداية السنه الجديده
ما علينا
كل سنه وانتي طيبه
هو صحيح ممكن الحب يتقلب من حب قوي جدا لكره بالشراسه والفظاعه دي
مش عارف
كل سنه وانتي طيبه
سلاااااااااااااااااااااام
السلام عليكم
كل سنه وانتي طيبه
والسنه الجايه ان شاء الله احسن وافضل من سابقتها
انا بدعيلك اهوه
عشان طلبك الاخير
بالنسبة لموضوع البوست
قالوا زمان بين الكره والعشق شعره
انتي تجاوزتي الشعره دي
من الغريب ان الحبيب يصبح عدو
لكن بتحصل
بالنسبة للادبيات
انتي تحفة
خصوصا في المخطابة
حسيتك بتكلميني
هههههههههههه
كل سنه وانتي طيبة
علي فكره
في الانترستنج بتاعتك في البروفيل
chat or caht
اعتقد ان سرعه كتابتك صوابعك سبقت عقلك
حبيت انبهك بس
الأخت الغالية - غالية
أشكرك لزيارتك مدونتى
و سعدت بزيارتى الأولى لمدونتك أيضا
و قد أضفت مدونتك عندى فى قائمة المدونات التى أتابعها
-----------
أسلوبك جميل فى الكتابة
أنا أيضا أحب أن أصوغ احساساتى و مشاعرى بهذه الصورة
و لكن طبعا حضرتك متفوقة فى هذا
أنا قرأت كلماتك حتى آخرها
الشعور اللى بتصوغيه .. يمر به كثير من الشباب
و متكرر بصورة غير طبيعية
أنا أعتقد أن ليا موضوع ذو صلة وثيقة بكلماتك هذه
أظنها ستفيدك
و ستبلغك بتعليقى على الكلمات
http://dr-hamas.blogspot.com/2007/12/blog-post_29.html
أتمنى زيارة هذا الموضوع
د.حمــــاس
يااااه يا غاليه
كلامك بيوجع
اد كده ممكن الانسان ينجرح... بس فى الاول والاخر بنكون احنا مساهمين فى الجرح ده
واعلم أن نيرانك برغم قسوتها ثقلتنى وزادتنى قوة وصلابة .. كصلابة الحديد .. والآن لم أعد قابلة للإنحناء أو الإنثناء أمام أى انسان
و سمومك هذه صارت فى دمى ترياقا وأكسبتنى مناعة ضد أى لدغات مقبلة
اتمنى فعلا انك تكونى بالقوة دى
وانا مع
Meekness
بس حاسه انك بالفعل وقفتى والا مكنتيش تكتبى الكلام ده
اسلوبك حلو اوى فى الكتابه
واكيد هزورك تانى
سلامى
:))))))))))
زيزى
أهلا بيكى يا حبيبتى وكل سنة وانتى طيبة
أدينى بحاول يا زيزى وعارفة ان ربنا مش حيضيع لى حقى ان شاء الله
نورتى يا جميل :)
شنكوتى
أنا آسفة لو عكننت عليكو كدة فى بداية السنة
بس صدقنى كنت محتاجة أكتب الكلمتين دول وتحديدا فى بداية السنة علشان أقدر اتحدى نفسى وأبدأ السنة الجديدة وأنا رامية كل حاجة ورا ضهرى
مبسوطة أوى بزيارتك
نورت
وعليكم السلام
أهلا بيك يا مهند
وكل سنة وانت طيب يارب
ربنا يكرمك أنا والله مبسوطة بتشجيعك ده وثنائك على أسلوبى
مع انى كنت متوقعة ان البوست ده تحديدا مش حيعجب الناس لأنو عنيف أوى
بالنسبة للبروفيل تصدق أول مرة أخد بالى منها
متشكرة أوى على التنبيه
ونورت البوست :)
دكتور حماس
أهلا بيك يا دوك ويشرفنى طبعا اضافتك ليا
و كمان حضيفك هنا من بعد اذنك
أنا فعلا قرأت البوست اللى ذكرته
ما شاء الله عليك بجد كفيت ووفيت
ومبسوطة أن اسلوبى نال اعجابك
نورتنى يا دوك :)
شيماء
أهلا بيكى يا جميل
أنا عارفة ان الكلام بيوجع وصعب
بس صدقينى الخداع اصعب والغدر أصعب واصعب
ربنا يكرمك يا شيماء وصدقينى فرحت أوى لما شفت اسمك هنا
تنورى دايما :)
عزيزتي غاليه
اولا كل سنه و انتي طيبه و يارب تحققي في سنه 2008 كل اللي بتتمنيه و تكون سنه ماليانه تفاؤل و سعاده و راحه بال بالنسبه لكي و لكل من حولك
البوست فعلا يوجع القلب
انا متفقه معاكي مفيش حاجه بتوجع القلب اوي اكتر من الغدر و الخيانه عشان كده لازم نحافظ علي قلوبنا و مانيدهاش الا للي يستاهلها و يعرف يحافظ عليها
بتمنالك سنه ماليانه حب و سعاده و هنا
تحياتي ليكي عزيزتي
ربنا يجعلها سنه خضرا بعون الله
على راي الشنكوتي .. فعلا كلمات مبهجه لبداية السنه الجديده
الحمدلله انك بتفوقي وبتتعافي من لدغات الثعابين
وربنا يارب يحميكي ويحرسك من كل شر
وماتختفيش كده مره واحده
وكل سنه وانتي طيبه
سلاموووووووز
هو كلام يفتح النفس فعلا
الموضوع مش موضوع قوة قد مهو اصرار ومتابعة
زي المدمن اللي في فترة نقاهه كدة...مهما كان قوي بيبعد عن اي مواد مخدرة في فترة النقاهه دي
ابعدي
وخدي نفس عميق
قولي انا اقوي من الالم
واوعي تندمي علي مشاعر حلوة حستيها
بالاحري اوعي تندمي علي الاطلاق وافتكري مالا يقتلني يزيدني قوة
واوعي تحسي بوحدة واحنا جنبك
كل سنة وانتي طيبة بقي بعد شوية الحماس دول
لا بصى سيبك من الكلام دا
انتو بتجيبو صور مرسومة للمواضيع كدا ازاى
ايه ياربى دا اخراج وتصوير وسيناريو وحوار
ماشاء الله عليكى انا غلبانه ومليش فى القر والحسدك:)
وكلامك جميل جدا.. ماله فى ايه.. دا حتى كله حتى بيقول انك هتكسرى زير مش قله ورا الماضى وتبتدى من جديد
والكره دا اتمنى تشيليه من قلبك..حطى مكانه النسيان
مش علشان خاطر حد..عشان خاطر بعد كدا لما ننتقل لمرحلة الحياة الاخرى تكون نفسيتنا صافيه حتى ولو ماللى جرحونا وموتونا واحنا لسا على قيد الحياة
كلامى مجنون شويتين تلاته بس معلش خدينى على اد قرونى..قصدى عقلى:))
وربنا ييسرلك الحال ويفرح قلبك دايما
ياه ياغالية
كلامك لمس روحي من جوا
يا من كنت أسميه يوما حبيبى
صحيح الدنيا دي غريبة ..الانسان الأقرب للروح..والقلب بيتحول في لحظة لشخص تاني غريب مرعب
جارح ومفارق
والقلب الى كان طاير بحبه..بيبقى زي الطير الى صابه سهم وقع غرقان في دمه مش عارف يتحرك
حتى صرخات ألمه..بتتوه في الفضا ولا حد يسمعها
هادعي لك من قلبي يا قمر
ربنا يسعد قلبك يارب
كل سنه و انتي طيبه
و ربنا يجعله عام سعيد عليكي و كل افراد الاسرهخ الكريمه
أجندة حمرا
احنا فعلا للأسف بنسيئ أوى لقلوبنا لما بنسمح لناس ما تستاهلش انها تاخد مكان فيها
بس الواحد بيتعلم بقى :)
وكل سنة وانتى طيبة
سوووو
والله انت دايما بتحرجنى لما تفتكرنى وتيجى تسأل عليا برغم انى عارفة إنى مقصرة معاك ومع الناس
بس يلا بقى خليك انت أحسن منى
وكل سنة وانت طيب وسنة جميلة عليك يارب
سلاموووووووز :)
سارة أو سرسارة
أهلا بيكى يا حبيبتى
عارفة انا فعلا كسرت زير زى ما قلتيلى
وصدقينى رغم الكلام اللى فى البوست بس بجد صعب عليا أكره حد وبمجرد ما اشوفو ويبتسم فى وشى بنسى كل حاجة
انا هبلة أوى انا عارفة هههههههههه
تسلميلى انتى وقرونك يا قمر :)
وكل سنة وانتى جميلة
روفى
بالظبط كدة زى ما قلتى
ده كان نفس احساسى
عجبنى أوى تشبيهك يا روفروف :)
تسلميلى يارب
أحمد عيسى
مظبوط كلامك
الموضوع محتاج اصرار والحمد لله الاصرار موجود
مبسوطة أوى بكلامك ده
وربنا يخليكو ليا وتفضلوا دايما جنبى
:)
ذو النون
أهلا وسهلا بيك
وكل سنة وانت طيب وفى أحسن حال
نورت البوست :)
فتحتي نفسي يا غاليا
كلمات شديده اوي وقاسيه وجامده
أحلى حاجه فيكي إن شخصيتك قويه مش عارف ليه
حسيت ده من كلامك
والصور تجنن ومعبره
بوست مش ليها حل
وبجد جميل جدا إنك تتخذي قرار لا عوده فيه
تحياتي
:)
عارفة يا جميلة ..كلامك اللى قولتيه ده بجد هو الكلام اللى كان جوايا من شهرين فاتوا ..والحمد لله دلوقتى انا اتعالجت ورجعت احسن من الاول الحمد لله
...
كلامك بجد رائع ..فعلا
وكل سنة وانتى طيبة ولو انها جاية متأخر
تحياتى
:)
Post a Comment