قررت أعيش حياتى زى ما هىقررت أستمتع بكل لحظة وما اشيلش هم لأى حاجة
قررت أحمد ربنا على النعم الكتير اللى أنا يمكن مش حاسة بيها
قررت أتقرب لربنا أوى
قررت ما أندمش على حاجة عملتها
لأن الواحد طبيعى جدا يغلط لكن مش طبيعى يكرر الغلط
وأن ومش حيعرف ان الغلط غلط إلا اذا وقعت فيه واتعلم منه
قررت أبتسم علشان أحس بالسعادة
وما استناس إنى أحس بالسعادة الأول علشان أبتسم
قررت بعد انهردة ما انخدعش لماأشوف الأسد بيبتسم
لأن
إذا رأيت نيوب الليث بارزة
فلا تظنن أن الليث يبتسم
وعلى رأى فريد
الحياة حلوة
بس نفهمها
الحياة غنوة
ما أحلا أنغامها
ارقصوا وغنوا وانسوا همومها
دى الحياة حلوة
قررت أحمد ربنا على النعم الكتير اللى أنا يمكن مش حاسة بيها
قررت أتقرب لربنا أوى
قررت ما أندمش على حاجة عملتها
لأن الواحد طبيعى جدا يغلط لكن مش طبيعى يكرر الغلط
وأن ومش حيعرف ان الغلط غلط إلا اذا وقعت فيه واتعلم منه
قررت أبتسم علشان أحس بالسعادة
وما استناس إنى أحس بالسعادة الأول علشان أبتسم
قررت بعد انهردة ما انخدعش لماأشوف الأسد بيبتسم
لأن
إذا رأيت نيوب الليث بارزة
فلا تظنن أن الليث يبتسم
وعلى رأى فريد
الحياة حلوة
بس نفهمها
الحياة غنوة
ما أحلا أنغامها
ارقصوا وغنوا وانسوا همومها
دى الحياة حلوة
.JPG)
32 comments:
صباح الفل يا رنون
عرفت اسمك أنا
:))
زي اسم أختي على فكرة
المهم أنا فرحانة قوي بالبوست دا
ويارب تستمر الانطلاقة ..الى جات بعد الاستفاقة
وبكرة باذن الله دايما أحلى
:)
صباح الخير عزيزتي
فعلا الحياه حلوه بس نفهمها
حتي لو مرت علينا لحظات صعبه صدقيني عمر مالحزن بيدوم الا لو خاليناه يدوم
لازم نخاللي كل يوم بنعيشه كله امل عشان نقدر نواصل الحياه
بتمنالك ايام كلها سعاده و نجاح
تحياتي ليكي علي الكلمات المفعمه بالأمل
ياعينى ياعينى على الكلام الى هو
ايوة كده شويه تفاؤل على شويه صبر على الدنيادى وكله هيبقى تمام انشاءالله
بجد مبسوطه بالبوست ده
سلامى يا جميله
حلو ان الواحد يفوق ويقرر انه يعيش الحياه وانه يتعلم من اخطاءه لكن مش عيب ان الواحد يندم على انه اخطأ بس المهم انه يندم ويدور على انه يصلح وانه ميكررش الغلط تانى
سلام عليكم
اختنا زمردة أخبارك ايه ؟؟
بصراحة قراراتك ممتازة
هو ده الصح للتعامل مع الحياة
لما بنكرهها بنكره نفسنا فيها
و الحل نبتسم لها
و ندعى ربنا يعيننا عليها
ربنا يكرمك
جزاكم الله خيرا
د.حمـــــــاس
صباحك ورد يا روفى
برافو عليكى أكيد العصفورة قالتلك :)))
إن شاء الله حتستمر
وإن شاء الله بكرة أحلى
:)
صباح الفل يا أجندة
كلام جميل وفعلا هو ده اللى اكتشفتو خلال اليومين اللى فاتو
نورتى البوست يا جميل :)
شيمو
شايفة يا بنتى
أنا عارفة إنى متقلبة المزاج جدا
آخر بوست كان قمة الكآبة
والبوست ده قمة التفاؤل
بس المهم انو بيعبر عن المود بجد
أنا مبسوطة بزيارتك كمان
:)))
وhappy birthday to you
بحبك يا مصر
كلامك سليم مية فى المية
أهم شئ الواحد يتعلم من أخطائه
لا يلدغ المؤمن من جحر مرتين
ونورت البوست :))
دكتور حماس
أهلا وسهلا بيك
إحم إحم
بس فى غلطة مطبعية صغيرة يا دوك
أنا مش زمردة :)))
المهم أخبارك ايه ان شالله كلو تمام
أكيد طبعا لازم نبتسم لها مهما حصل
ببساطة علشان نقدر نكمل ونعيش
ونورت البوست
هلا هلا بالناس اللى كلها تفاؤل وحيوية ولا مناديل فلورا:)
ايون كدا هو دا الكلام
اديها تفاؤل تديكى شوكولاته جالاكسى
وربنا يسعد ايامك ياعسولى
أنا آسف أختى غالية
أنا تقريبا ساعتها كنت فاتح البلوج بتاعك و بتاع الأخت زمردة
حصل خطأ مطبعى
أعتذر و بشدة
ربنا يكرمك
د.حمــــــاس
كل سنة وانتي طيبة
الحياة بتكون حلوة لما بنطيع ربنا فيها ونمشي زي ما امرنا
ساعتها بس بتكون احلى حياة بنعيشها
يارب يجعل حياتك كلها طاعة وايمان وسعاده وهنا
امين
الله عليكى يا غاليه
لخصتى فعلا فى كلمات بسيطه
اضيف معاكى كمان
اضحك للدنيا تضحكلك
وكمان زى ما رسولنا قال
تفائلوا بالخير تجدوه
صباحك ورد يا جميله
هو ده الصباح ولا بلاش
Can you respond my question?
It's on my last post
thans
بجد البوست روعه وكله تفائل يارب يدوم ليكى حبك للحياه وتفائلك وانطلاقك
على فكره الموسيقى روعه بجد
بجد البوست روعه وكله تفائل يارب يدوم ليكى حبك للحياه وتفائلك وانطلاقك
على فكره الموسيقى روعه بجد
حلو اوى يا غالية البوست ده
فيه كمية تفاؤل جميلة
شكرا ليكى
اختك خيخة
ازيك يا غاليه
على فكره اسمك حلو
وكل سنه وانتى طيبه
وبمناسبة تفاؤلك مش عارف ليه مش معاكى فيه
لان رجال الحزب الوطنى كفايه لان يزيلوا هذا التفاؤل
لكن بجد موضوعك حلو
واتمنى زيارتك لمدونتى المتواضعه
ارق تحية
ٍسارة
شايفة خلاص مفيش مناديل فلورا بقى
تسلميلى يا حبيبتى
وربنا ميحرمنيش من طلتك الحلوة
;)
دكتور حماس
ليه الإعتذار
ولا يهمك يا دوك بتحصل كتير أوى
:))
صاحب المضيفة
أكيد طبعا
ولا دنيا لمن لم يحي دينه
ربنا يسمع منك
وتسلملى على الدعوة الحلوة دى
:)
أهلا أهلا يادكتور لماضة
ويسعد صباحك ومساكى يارب
أنا قلت كفاية نكد بقى
ونديها شوية تفاؤل كدة عالماشى
نورتى البوست يا جميل :))))
reme
wellcome to you
and thank u for your invitation to your blog
i had already answered your questions
;)
رئيس جمهورية نفسى
ربنا يكرمك يا ريس
أيوا كدة ادعيلى
متعرفش قبل حالة التفاؤل دى كنت عاملة اذاى
يلا الحمد لله على كل شئ
على فكرة الموسيقى اسمها طفل حزين فى ليلة العيد وهى معزوفة عبقرية جدا
برغم الايقاعات لكن بردو تحس فيها بحزن الدنيا كلو
نورت يا محمود :)
أهلا أهلا يا خيخة
ما هو انتى مش فاهمة الفلم
التفاؤل ده بس أحسن ما طق
قلت لازم الحياة تمشى بقى
نورتى يا حبيبتى
والله مبسوطة أوى بزيارتك يا نوران
صالح سعيد أهلا وسهلا بيك
كل سنة وانت طيب وفى أحسن حال
هههههههههههههههه
والله معاك حق أنا عارفة
بس حنعمل ايه
نطق يعنى يا صالح؟
لازم بردو شوية تفاؤل كدة وأمل
وربنا يصلح الأحوال
نورت البوست وأنا جاية حالا أهو
يلا حضرو الشاى بقى ;)
هاى
اولا اسم البلوج جامد اوى والبوست حلو اوى فية شحنة تفاوءل كبيرة اوى انا فى احتياج شديد ليها
اتمنى لك حياة كلها تفاوؤل وسعادة
اة كمان فية حاجة حلوة اوى فى البلوج الموسيقى اللى انتى مختاراها حللللللللوة اوىىىىى
تحياتي
استشعري الرضا من ذاتك و قربك الي الله
هو الغفور الرحيم..نخطيء لاننا بشر..و خير الخطائين التوابون...لكن كما ذكرت حضرتك تكرار الخطأ لأ...لانه يصبح اصرار.
ربنا انعم علينا جميعا بنعم كثيرة نحن غافلون عنها....لاننا كبشر لا ننظر الي ما نملك ...و لكننا نتتطلع الي ما نفتقد...علما بأن ما نملك أكثر بكثير مما نفتقد...
تحياتي و دمتي بألف خير
أهلا بيكى يا نوراى
ربنا يخليكى بشكرك جدا على الكومينت الجميل ده
ومبسوطة إنك لقيتى هنا حاجة كنتى محتاجاها
بالنسبة للموسيقى هى اسمها طفل حزين فى ليلة العيد
اكتبيها فى جوجل حتلاقيها بسهولة ان شاء الله
يلا بقى تعالى عالبوست الجديد واشربى فنجان القهوة بتاعك :))))
الربان
كلام حضرتك مية فى المية مظبوط
جبران قال فى المواكب كلمة جميلة أوى بتعبر عن نفس المعنى اللى حضرتك قلته
قال
وما السعادة فى الدنيا سوى شبح
يرجى فإن صار جسما مله البشر
كالنهر يركض نحو السهل مكتدحا
حتى اذا جاءه يبطى ويعتكر
لم يسعد الناس إلا فى تشوقهم
إلى المنيع فأن صاروا به فتروا
سعدت جدا جدا بزيارة حضرتك
وحاولت اترك عندك تعليق بس للأسف ما عرفتش
تحياتى ليك :)
انتى كدة عسل ..بجد يعنى
انا احب اناالناس اللى عايزة تتفائل وتضحك للحياه ..لان فعلا الحياة حلوة وجميلة
تحياتى يا جميل
:)
Post a Comment